اسمى هناء الشربينى-خريجة فنون تطبيقية ومصممة ديكور

باختصار كده الفن+واحة سيوة هما حياتى

من خمس سنين زرت سيوة وخطفت قلبى بسحرها وطبيعتها وطيبة ستاتها وموهبتهم فى فن التطريز التقليدى الخاص بهم, 

وبحس الفنان لاحظت أن بيع وتسويق منتجاتهم ضعيف شوية بسبب تكرار التصميمات والألوان

ومن هنا جاتلى فكرة أنى أساعدهم فى تطوير شغلهم من خلال مشروعى (شالى) وهو اسم المدينة القديمة اللى أهل سيوة بنوها وسكنوها زمان

وبقيت أعمل إعادة صياغة لتراث سيوة التقليدى بشكل جديد وبرسم التصميمات يدوى وبدرب ستات سيوة ينفذوها,عشان نعمل منتج يدوى مصرى أصيل لكن بلمسة عصرية تناسب استخدامنا اليومى زى الشال والطرحة والمفرش والملابس

التصميم بيتنفذ منه قطعة أو اتنين فقط. وبالتالى اللى بتلبسيه مش هتلاقى حد لابس زيه.... حتى فى سيوة نفسها.