انا اسمي منال حنا . قصتي بدأت من زمان لما كنت بحب الرسم والالوان والتطريز والكروشيه ،لكن من سنتين بس اتعلمت المكرمية وحبيتها اكتر من كل الهوايات اللى فاتت حسيتها جمعت متعة الالوان وتنسيقها اللى في الرسم والدقة والاتقان اللى في التطريز والكروشيه .كمان بعد كل منتج بخلصه قلبي بيكون فرحان بالنتيجة والانجاز وفرحة العميل ورضاه عنه ،حكايتي مع المكرمية بدأت بالصدفة وانا بشوف اليوتيوب وكانت اجمل صدفة ومن وقتها وانا بعلم نفسي باستمرار كل يوم وبلاقي تطور في الشغل وجودته بتزيد كل يوم .من سنتين بدأت اعرض الشغل بتاعي وسميت البراند 

Doctor handmade 

لاني في الاصل صيدلانية وحبيت الاسم يجمع بين مهنتي اللى بحبها وشغفي وهوايتي الجديدة اللى كانت سبب في تغيير حاجات كتير في حياتي وشخصيتي 

البراند النهاردة نشكر ربنا انتشر في اغلب محافظات مصر من اسكندرية لحد النوبة في اخر صعيد مصر واتمني انه ينتشر اكتر في كل مكان وينال رضاكم واعجابكم ويكون مليان فن وجمال واتقان وجودة وده هدفي الاول