انا هدير علميا محامية عمليا بتاعة هاند ميد 🥰

 من حوالي 4 سنين كنت بشوف الشنط الكولومبية او ال mochila و كنت بتجنن من تفاصيلها و قد ايه هي مش شبة اي حاجة handmade كنت بدور عليها طول الوقت و هتجنن و اعرف ازاي ممكن تتعمل و تتنفذ ❤ زوجي العزيز لاحظ قد ايه انا مجنونة بيها و قد ايه موبايلي كله صور ليها ف قالي طيب ليه متتعلميش 🤔

 انا ف الحقيقية كنت مش عارفة ازاي و امتي و انا معايا بنوتي بيبي خالص و انا عمري ما مسكت ابرة كروشيه ف حياتي 😂 بس الشغف كان عندي اكبر بكتير من اني اقول لا ف فعلا كان في بنوته ووفنانة بحب شغلها جدا و كنت بشوفه متقن جدا و مختلف خصوصا وان فنانين التابستري بالذات قليلين لانه صعب حقيقي و كله تفاصيل Geometric و ابدا مش سهل و فعلا كلمتها و فضلت اقنعها انها تعلمني و تديني private course و هي كانت مترددة جدا لانها معملتش كدة قبل كدة و فعلا فضلت وراها لحد ما وافقت و كان معايا team و اخدنا الكورس و كنت مبسووطة جدا اني لاقيت اني عارفة اشتغل و مبسوطة و متابعه و فعلا خلصت الكورس و ابتديت اطبق حوالي سنة كاملة و لما اصحابي و اللي حواليا شافو شغلي و حسيت اني فعلا talanted قررت اني اعمل my project و من هنا انطلقت و حققت شغفي ❤️