اسمي رزان الارناؤوط 

 معنديش قصص مأساوية ولا واجهت صعوبات جامدة انا مجرد واحدة الفن شغفها هو اللي بيحركني ..

 سعيت كتير عشان اظهر فني للنور يمكن مش بعرف اسوق لنفسي يمكن دي عقبتي الكبيرة اللي بواجهها بس الحمد لله بقى ليا اسم وصفحة وشغلي بقى معروف لناس كتير والحمد لله ناس بتعرف شغلي من مجرد صورة ودا بحد ذاته نجاح وانجاز كبير 🥰 

 اشتغلت في حاجات كتير كروشيه عادي وتابيستري واميجرومي وشغل اكسسورات وتريكو ورسم يدوي وترصيع كريستال وعندي شغف دايما للتعلم لاي فن ❤️

 بس انا اتخصصت في الحاجتين دول🥰 : 

 الجزء الاول زي مانتوا شايفين كروشيه تخصص تابيستري شنط وكلاتشات وفي منهم تصميماتي الحمد لله 

 الجزء الثاني هو الرسم العشق منذ الطفولة محبتش يفضل في الورق لازم يطلع للنور بردو ومن حبي للمجات بدأت من هنا الرسم على الاكواب والمجات وبدأت الأفكار تتوالى عملت صواني وتابلوهات وتجديد جيتار وساعة وتعليقات للسيارات بشكل مختلف وجديد.. 

 والاجدد الرسم على النحاس سبرتايات وكنك والحمد لله نالت اعجاب الكتير خصوصا انه من تصميماتي الحصرية وكل اللي اخد منهم كان هدايا مميزة للاحباب 

 عندي افكار كتيررررر لسة نفسي تطلع وانفذها 

 وثقتي بالله كبيرة اني هاقدر انفذها 🥰

 وحلمي يكون عندي جاليري اعرض فيه شغلي كله يكون بتاعي مش عرض عند حد وان شاء الله هايكون 🥰🥰 

 اتمنى شغلي يعجبكم ❤️❤️ 

 #اطلع_للنور