انا سماح محي بعمل شغل هاند ميد .

الشغل اليدوى عموما بيخطف قلبى كده❤️ ،وبحس انه لازم يتعمل بحب مش مجرد قطعة اتعملت وخلاص.

و من وانا صغيرة كان حلمى ان يبقى مجالى فيه هاند ميد، ورسم ، والوان ،وخيوط فن بجد واقدر اقول ده عمايل ايديا 😂 فعلا مش مجرد مكن بينفذ.

فضل الحلم متعلق سنين طويلة وكل اللى قدرت انفذه منه انى كنت بعمل حاجات كتير ليا او لبيتى او للى حواليا واى حاجه بتعجبنى بحاول اتعلمها .

لحد ما فيه ناس شجعتنى بجد ❣️ واخدت منهم الحماس وقولت ليه محققش حلمى ويبقى ده مجال شغلى.

فعملت براند للهاند ميد والهيدبيس والكروشيه وسميته (يدوية -ydaweya ). 

وكنت مركزة ازاى اطلع قطع يبقى الفينيش بتاعها ممتاز وماتريال كويسة جدا 👍 .و أى حد يستعملها يحس بطاقة الحب اللى اتعملت بيها . اتمني البراند يعجبكم وتدعموني ♥️