أنا تسنيم و قصه ال business بتاعى كلها بتتلخص فى إنى كنت "أم جديده".

بس لو بدأنا القصه من زمان شويه فأنا بعشق كل ما هو handmade فبحب البسه ، استخدمه و طبعا بحب اشتغله ، و من و أنا طفله بعرف اشتغل أكتر من حاجه مش بس accessories.

لكن أكتر حاجه كنت بحبها و بعملها كانت ال accessories ، من أول بوكس الخرز بتاع الأطفال لغيت ما بقيت بنزل مع صحابى نشترى خامات و نعمل لنفسنا فكنت بعمل لنفسى و لغيرى.

و عدت سنين و ربنا كرمنى بأجمل بنوته اللى ال brand باسمها "ملك" و طبعا كنت مضطره اقعد فتره طويله جدا فى البيت كان صعب فيها الدراسه أو الشغل و تقريبا فى آخر السنه التانيه كنت بمر بفتره صعبه أوى نفسيا و الحمد لله بالصدفه تحصل حاجه تفكرنى بال accessories و تجيلى فكره ال business اللى فعلا اتشغلت بيه جدا و بكل تفاصيله و الحمد لله إنى حققت بيه حلم صغير و هو brand بتاعتى فى مجال بحبه.