أنا هبة مختار ٤٣ سنة صيدلانية وأم لثلاث أطفال من زمان بحب الهاندميد واشتغلت حاجات كتير تريكو؛ كنفا؛ رسم على الزجاج؛ وديكوباج كنت بفرح لما أعمل قطعة مميزة أحطها في بيتي لحد ما وصلت لسلك النحاس ولقيت فيه مجال كبير للإبداع، ليه النحاس؟ علشان معدن مش بيتغير وعايش في البيئة المصرية من أيام الفراعنة الي أبدعوا فيه ولما دمجته مع الأحجار الطبيعية لقيت إن كل قطعة بتطلع مميزة مينفعش تتكرر تاني السلك بيسمح لي أعمل أي حاجة تخطر على بالي والأحجار الطبيعية مفيش حجر لون التاني ولا شكله فكل قطعة بتاخد روح وشكل مختلف ولأول مرة أقرر أحول الهواية لبراند بدأته من أقل من سنة وسميته بأول ثلاث حروف من أسامي ولادي "YAS"

حلمي البراند يكبر وأطوره ويوصل لكل العالم علشان يعرفوا إن إبداع الإنسان المصري مستمر